5 ເທັກນິກ ສຳລັບຄົນງົບໜ້ອຍ ແຕ່ຢາກທ່ຽວຕ່າງປະເທດ

5 ເທັກນິກ ສຳລັບຄົນງົບໜ້ອຍ ແຕ່ຢາກທ່ຽວຕ່າງປະເທດ

1. ປີ້ຍົນ

ຊອກຫາປີ້ຍົນລາຄາຖືກໄວ້ກ່ອນລ່ວງໜ້າໂດຍສະເພາະແມ່ນ ສາຍການບິນລາຄາປະຢັດ (Low cost airline)  ເຊັ່ນ: ແອ ເອເຊຍ (Air Asia), ໄລອອນແອ(Lion Air)   ແລະ ອື່ນໆ ຕົວຢ່າງ ໃນຮູບລຸ່ມນີ້

2. ທີ່ພັກ

ທີ່ພັກສ່ວນຫຼາຍມີຫຼາຍລະດັບ ສະນັ້ນ, ການໄປທ່ຽວແບບປະຢັດງົບທີ່ສຸດຄຶ ເລືອກທີ່ພັກທີ່ບໍ່ແພງຫຼາຍ ແລະ ຢູ່ໃຈກາງເມຶືອງທີ່ບໍ່ໄກຈາກບ່ອນກິນ ຫຼື ສະຖານທີທ່ອງທ່ຽວ ເພື່ອຄວາມສະດວກ ແລະ ສາມາດຍ່າງໄປເອງໄດ້, ບາງຄັ້ງອາດຈະເລືອກເປັນທີ່ພັກປະເພດ Hostel ທີ່ອາດຈະເປັນຕຽງ 2 ຊັ້ນ ຫຼື Capsule

ທີ່ສາມາດພັກນຳກັນຫຼາຍຄົນໃນຫ້ອງດຽວກັນໄດ້ ແຕ່ ທີ່ພັກແບບນີ້ສ່ວນຫຼາຍເພີ່ນຈະຄິດໄລ່ເປັນລາຍບຸກຄົນ ບໍ່ໄດ້ຄີິດໄລ່ເປັນຫ້ອງ.

3. ອາຫານ

ອາຫານບໍ່ຈຳເປັນຕ້ອງແມ່ນອາຫານລະດັບຮ້ານອາຫານຈື່ງຈະແຊບ ບາງຄັ້ງອາຫານທີ່ຂາຍຕາມແຄມທາງກໍ່ແຊບພໍທີ່ຈະເຮັດໃຫ້ເຮົາມ່ວນຊື່ນກັບການກິນ ແລະ ເຂົ້າເຖິງວີຖີການດຳລົງຊີວິດຂອງສະຖານທີນັ້ນໆ ສະນັ້ນ, ອາຫານອາດຈະກິນອາຫານແຄມທາງ ບາງຄາບກໍ່ສະຫຼັບໄປກິິນອາຫານໃນຮ້ານອາຫານກໍ່ໄດ້.

4. ການເດີນທາງ

ນຳໃຊ້ລົດສາທາລະນະ ເຊັ່ນ: ລົດເມ, ລົດໄຟຟ້າໃຕ້ດິນ ແລະ ອື່ນໆ ຫຼີກລ່ຽງການນຳໃຊ້ລົດແທັກຊີ ໃຫ້ໄດ້ຫຼາຍທີ່ສຸດ

5. ການບໍລິຫານເວລາ

ວາງແຜນການເດີນທາງ ແລະ ສຶກສາຂໍ້ມູນກ່ອນລວງໜ້າຈະເປັນການດີທີ່ສຸດ ເພາະສ່ວນຫຼາຍສະຖານທີ່ນັ້ນ ເປັນສະຖານທີ່ໃໜ່ ສຳລັບເຮົາ ສະນັ້ນ, ການບໍລິຫານເວລາໃຫ້ໄດ້ຕາມແຜນທີ່ຕັ້ງໄວ້ກໍ່ຂ້ອນຂ້າງລຳບາກສົມຄວນ ຖ້າບໍ່ສຶກສາຂໍ້ມູນໃຫ້ຫຼາຍບາງຄັ້ງເວລາທ່ອງທ່ຽວຕົວຈິງອາດຈະຫຼົງທາງ ເຮັດໃຫ້ເສຍເວລາ ແລະ ເສຍງົບປະມານຕື່ມ.